ملعون يا وطن

ملعون ياوطن
لما الكرامة فـيك تداس
لما الجزمة فيك تتباس
ملعون يا وطن
لما الحـر فـيك يتسجـن
لما الشريف فيك يتلعن
ملعون يا وطن
لما الكلاب فيك تتسعر
لما البشر فـيك يتقهـر
ملعون يا وطن
لما سـماك تبقي ضـلمة
لما حكامك يبقوا ظلمة
ملعون يا وطن
لما سـقـفـك يـبـقي واطـي
لما تخليني راكع مطاطي
ملعون يا وطن
لما الشـباب فـيك يهـون
لما عقلك يملاه الجنون
ملعون يا وطن
لما يضـيع فيك الأمـان
لما يتقطع فـيك اللسان
ملعون يا وطن
لما تبقي لروحي سـجـن
لما تبقي للـغاشم سجـين
ملعون يا وطن
لما يتصـلب فـيـك الأميـن
لما يصبح صوتي رهـين
لما عيشي فيك يبقي انين
لما دربي فيك يبقي حزين
ملعون يا وطن
امتي يا وطن من نومك تـقـوم
امتي في وش الـكـلاب تـزوم
امتي تنفض عـنك غـبارك
امتي تاخـد بايـدك قرارك
امتي شـمـع بكـره يايد
امتي العزه فيك تز يد
امتى راسك تبقي عالية
امتى ناسك تبقي غالية
ملعون يا وطن
أمتى ثلجـك يبقى نار
امتي تعطـينا الـنهار
امتي نبقى فيك احرار
أمتى نحس سكوتنا عار
أمتى ناخـد يوم قـرار
بالمواجهة مش بالفرار
امتى مـشـاعـرك تـفور
امتى رجـالـتك تـثـور
على كل واحد ديكتاتور
بنى بينا وبـينه سـور
أوخـنق فى قلوبنا نور
وخرب عقولنا وخلاها بور